Sürücü radara düşməmək üçün görün nə etdi - Bu hərəkətin CƏRİMƏSİ VAR - FOTO

Radar və kameralardan yayınmağa çalışan sürücü qanun pozuntusuna yol verib. Bu barədə oxuculardan biri qeydə aldığı videonu redaksiyamızın elektron ünvanına göndərib. Avtosfer.az xəbər verir ki, 50-BP-350 qeydiyyat nişanlı "VAZ 2106" markalı avtomobilin sürücüsü ön qeydiyyat nişanını çıxararaq tərs formada alın şüşəsinə qoyub. Oxucunun iddiasına görə, sürücü bu hərəkəti radarlardan yayınmaq üçün edib.

Qeyd edək ki, qanunvericiliyə görə qeydiyyat nişanları avtomobildə nəzərdə tutulmuş yerdə olmalıdır. Yerində olmadığı aşkar olunduqda sürücü İnzibati Xətalar Məcəlləsinin 342.1.3-cü maddəsi ilə 40 manat məbləğində cərimə oluna bilər.

Fərid