Sürücülər bu küçədə kütləvi qayda pozur: 3 bal 60 manat cəriməsi var - VİDEO

Paytaxtın İnşaatçılar prospekti ilə Əbdürrəhim bəy Haqverdiyev küçəsinin kəsişməsində sürücülər kütləvi şəkildə qayda pozuntusu edirlər. Bir müddət əvvəl bu barədə videomaterial dərc etmişdik. Lakin sürücülər hələ də qayda pozmaqda davam edir. Sürücülərdən biri həmin kəsişmədə qayda pozan sürücülərin videosunu qeydə  alaraq redaksiyamızın elektron ünvanına göndərib. Avtosfer.az xəbər verir ki, Əbdürrəhim bəy Haqverdiyev küçəsindən sola – İnşaatçılar prospektinə dönən sürücülər qarşıdan 10-cu Keçid adlanan küçədən gələn sürücülərə yol  vermirlər. Nəticədə sözügedən kəsişmədə xaos yaranır.

Qeyd edək ki, “Yol hərəkəti haqqında” qanunun 76-cı maddəsinin I hissəsinə  görə,  nəqliyyat vasitələri sürücüləri svetoforun yaşıl işığında sola və ya geriyə dönərkən, qarşıdan düzünə və ya sağa gedən nəqliyyat vasitələrinə yol verməlidir. Bu  qaydanın pozulması İnzibati Xətalar Məcəlləsinin 327.2-ci maddəsi ilə məsuliyyət yaradır.

Leyla