Sürücülər hansı qaydaları daha çox pozur? – Səbəbləri AQİL RƏHİMOV AÇIQLADI

Ölkə ərazisində təxminən 1 850 000-ə qədər minik avtomobili rəsmi qeydiyyatdan keçib. Bu, öz növbəsində yollarda pozulan qaydaların miqyasını təsvir etmək üçün bir göstəricidir.

Maraqlıdır, ölkədə sürücülərin ən çox pozduğu qaydalar hansılardır?

Mövzu ilə bağlı qəzalar əleyhinə kursların məşqçisi Aqil Rəhimov Avtosfer.az-a deyib ki, baş verən qəzaların səbəbləri arasında ən önəmlisi bəzi sürücülərin yol hərəkəti qaydaları mövzusunda savadsız olmasıdır:

“Digər qisim isə savadlı olduğu halda, qaydalara riayət etmir. Tez-tez pozulan qaydalar arasında ilk sırada dönmə işıqlarını yandırmamaq və başqasının zolağına daxil olmaq yerləşir. Bundan başqa, ötmə qaydalarının pozulması, qoşa xəttin tələbini qəsdli şəkildə pozaraq qarşı zolağa çıxanların da vaxtaşırı kameralara düşdüyünü görə bilərik”.

A.Rəhimov onu da vurğulayıb ki, ən əsası sürücüdə yol mədəniyyəti olmalıdır:

“Sürücü mədəniyyəti bəzilərində az olduğuna görə özlərini başqasını yerinə qoya bilmirlər. Yəni əsas mədəniyyət və savad olmalıdır. Bunlardan biri olmadığı halda qayda pozuntuları artır”.

Eltac Zülfüqaroğlu