Sürücünün bu hərəkəti dəhşət saçdı: İki sürücü ölümlə üz-üzə qaldı - VİDEO

Bir sürücünün kobud səhvi digər sürücülərə ölüm təhlükəsi yaradıb. Avtosfer.az xəbər verir ki, hadisə anının görüntüsü nəzarət kamerasına düşüb. Sola dönən "Mercedes" markalı avtomobilin sürücüsü qarşıdan gələn avtomobillərə yol vermədən hərəkətə başlayıb. "VAZ" markalı avtomobilin sürücüsü qəzaya düşəcəyini görən anda dərhal istiqamətini dəyişib. Sürücünün peşəkarlığı nəticəsində hadisə qəzasız ötüşüb. Üstünlüyə malik olan hər iki avtomobilin sürücüsü qaydanı pozan sürücün dayandıraraq ona iradlarını bildiriblər.

Belə qayda pozanlara təəssüf ki, tez-tez rast gəlirik. Təhlükə yaranan zaman həmin sürücülər etdikləri hərəkətin səhv olduğunu da qəbul etmək istəmirlər. Əksinə, "ölüm-itim olmadı ki", "yol versən nə olar ki" - deyərək özlərinə haqq qazandırmağa çalışırlar. Lakin düşünmürlər ki, yol terroru məhz bu cür qayda pozuntularının törədilməsi səbəbindən baş verir.

Könül