Sürücünün və sərnişinlərin həyatını təhlükəyə atan "Bolt" sürücüsü cərimələndi - VİDEO

Bakıda qəza şəraiti yaradan taksi sürücüsü cərimələndi. Avtosfer.az xəbər verir ki, “Bolt” taksi şirkətinə məxsus 77-BC-985 qeydiyyat nişanlı “Toyota” markalı avtomobilin sürücüsü fevralın 24-də, paytaxtın Həsən Əliyev küçəsində iki dəfə manevr qaydasını pozub. Belə ki, sürücü svetoforun qarşısında sol zolağa yerdəyişmə etməyə çalışan zaman görüntünü qeydə alan sürücüyə maneə yaradıb. Daha sonra yenidən sol zolağa keçərək qəza şəraiti yaradıb.

Bakı şəhər Dövlət Yol Polisi İdarəsi tərəfindən Avtosfer.az-a verilən məlumata görə, xətanı törədən 1978-ci il təvəllüdlü Mehrəliyev Rövşən Qalib oğlu İnzibati Xətalar Məcəlləsinin 327.1-ci maddəsi ilə 40 manat məbləğində cərimə edilib.

Leyla