Sürücüyə yazılmış "gülməli" protokolu DYP ləğv etdi - YENİLƏNİB - FOTO

Baş Dövlət Yol Polisi İdarəsindən Avtosfer.az-a bildirilib ki, sözügedən nəqliyyat vasitəsinin sürücüsü tərəfindən yol verilən qayda pozuntusu foto və videoqeydiyyat funksiyasına malik xüsusi texniki vasitənin köməkliyi ilə aşkar edilərkən texniki xəta səbəbindən şəxs barəsində yanlış elektron qərar çıxarılıb: "Məsələ tərəfimizdən araşdırılıb və texniki xəta aradan qaldırılıb".

******

Bakı-Sumqayıt yolunda qayda pozan sürücünün cəriməsi başqa şəxsin adına tərtib olunub. Avtosfer.az xəbər verir ki, Samir Qurbanov adlı sürücü başına gələn hadisəni sosial şəbəkədə paylaşıb. O bildirir ki, qayda pozuntusunu törədən tamam başqa avtomobil və başqa sürücüdür: “Cərimənin qeydə alındığı zaman mən işdə olmuşam. Protokola əlavə edilmiş fotodakı avtomobil 90-LO-725 qeydiyyat nişanlı “Daewoo” markalı avtomobildir. Mənim avtomobilin nömrəsi isə 99-LD-725 qeydiyyat nişanlı “KIA” markalı avtomobildir. Nömrələrimiz  oxşar olduğu üçün cərimə səhvən mənim adıma tərtib edilib. Hətta protokola  mənim avtomobilimin də fotosunu əlavə ediblər. Amma maşınımın qayda pozulan yerdə şəkli yoxdur” – deyə sürücü bildirib.

Leyla