Taksi duracağını parkinqə çevirdilər – Sürücü yer tapa bilmədi - VİDEO

Paytaxtda taksi duracağının zəbt olunması ilə bağlı görüntülər yayılıb.

Avtosfer.az-ın məlumatına görə, hadisə oktyabrın 7-də səhər saatlarında, Səməd Vurğun küçəsi 155 ünvanında qeydə alınıb.

Kadrlardan göründüyü kimi, 77-FX-136 dövlət nömrə nişanlı “Toyota Prius” markalı, 77-DY-389 dövlət nömrə nişanlı “Opel” markalı, 77-CJ-722 dövlət nömrə nişanlı “Mercedes” markalı və 77-DY-624 dövlət nömrə nişanlı “Toyota Prius” markalı avtomobillər taksilər üçün nəzərdə tutulmuş duracaqda park edilib.

Nəticədə duracaq tamamilə dolduğundan taksi fəaliyyəti göstərən sürücü nəqliyyat vasitəsini həmin ərazidə saxlaya bilməyib.

Qeyd edək ki, taksi minik avtomobilləri üçün nəzərdə tutulmuş duracaq yerlərindən təyinatı üzrə istifadə olunmasına maneə yaradılması qayda pozuntusudur və sürücülər buna görə inzibati məsuliyyətə cəlb oluna bilər.

Nərmin