Toy karvanındakı sürücülər yolu kəsib oyun çıxardı: DYP-nin DİQQƏTİNƏ! - VİDEO

Bakıda toy karvanında hərəkət edən sürücülər avtoxuliqanlıq ediblər. Avtosfer.az xəbər verir ki, hadisə paytaxtın Qaradağ rayonu, Qobustan qəsəbəsindəki körpünün üzərində baş verib. Belə ki, toy karvanında iştirak edən 6-7 sürücü dairəvi hərəkət təşkil edilmiş yolayrıcında sözün əsl mənasında hoqqa veriblər. Onlar yolu kəsib müxtəlif manevrlər etməklə avtoxuliqanlıq ediblər. Videogörüntüyə yalnız 77-EZ-441 qeydiyyat nişanlı "Toyota Prius" markalı avtomobilin nömrəsi aydın əks olunub.
Ümid edirik ki, Dövlət Yol Polisi İdarəsi həmin hadisəni araşdırıraq avtoxuliqanlıq edən sürücüləri müəyyən edəcək və hər biri barədə ciddi şəkildə tədbir görəcək.


Fərid