Toy karvanının "hoqqabaz"ları pulsuz şou göstərib təhlükə yaradır - VİDEO

Yenə toy karvanı, yenə də dəvətsiz “hoqqabaz”lar…. Toy sahibləri buna səssizmi qalır, yoxsa onlarla baş etmək mümkün deyil?!

Avtosfer.az bildirir ki, toy karvanına qoşulan iki “VAZ 2107” markalı avtomobilin sürücüsü avtoxuliqanlıq edərkən kameraya düşüb. Gəlin maşınının qarşısında ani dönüş manevri, iki təkər qaldırma, sağ-sol edən “avtoş”lar yenə də toy sahiblərinin şad gününə kölgə salıb. Hətta sürüclərdən biri manevr edərkən arxa qapısı açılıb, içədirdəki sərnişin xoşbəxtlikdən yola yıxılmadan qapını bağlaya bilib. 
Elə ötən gün toy karvanında baş verən qəza gəlinin yaralanması ilə nəticələnmişdi. Səbəb və səbəbkarlar bəllidir. Toy karvanını “avtoş” meydançası ilə qarışıq salan bu cür “hoqqabaz”lara görə çox yaxın zamanda karvanlar ləğv olunsa heç təəccüblənməyin. 
Ya bu cür sürən birisini görəndə karvan dayandırılıb belələri uzaqlaşdırılmalıdır, ya da toylara karvansız getməyə hazır olmaq lazımdır…

Aysel