Toy karvanında"avtoşluq": 2300 manatlıq cərimə - DİN-dən AÇIQLAMA - VİDEO

Daxili İşlər Nazirliyinin Mətbuat Xidmətinin Şəki regional qrupundan Avtosfer.az-a bildirilib ki, sözügedən görüntülər təxminən 3 il əvvəl Zaqatalada lentə alınıb.  Videoda görüntülənən “VAZ-2106” və “VAZ-2115” markalı avtomobillər isə bu müddət ərzində ayrı-ayrı şəxslərə satılıb.   İnzibati Xətalar Məcəlləsinin 38-ci (müddətin keçməsi ilə bağlı inzibati məsuliyyətdən azad etmə ) maddəsinə əsasən hazırda həmin inzibati xətanı törədən şəxslər barəsində inzibati tənbeh tədbirinin görülməsi mümkün deyil. 
Bir daha sürücülərdən xahiş və tələb olunur ki, yol-hərəkəti qaydalarının, ictimai asayişin pozulmasına yönələn hərəkətlərdən çəkinsinlər, özlərinin və digər hərəkət iştirakçılarının sağlamlığına biganə yanaşmasınlar.

***

Toy karvanında avtoxuliqanlıq edən sürücülərin videosu sosial  şəbəkədə yayılıb. Avtosfer.az xəbər verir ki, hadisənin rayonların birində baş verildiyi bildirilir. Belə ki, 99-BM-915 qeydiyyat nişanlı “VAZ 2115” markalı avtomobilin sürücüsü nəqliyyat vasitəsini qəfil sürətləndirməklə təkərlərin yol səthində sürtünməsi səsləri çıxarıb və asfalt örtüyündə çoxsaylı təkər izləri buraxıb. Həmçinin 62-BB-094 qeydiyyat nişanlı “VAZ 2106” markalı avtomobilin sürücüsü əl əyləci vasitəsilə nəqliyyat vasitəsini dəfələrlə fırladaraq şou göstərib. Eyni zamanda arxa qeydiyyat nişanının üzərini bağlayaraq görünməsini məhdudlaşdırıb.

Leyla