Üç dəfə qəza şəraiti yaradan sürücü əlini çıxarıb qışqırdı - VİDEO

Bakıda daha bir qaydaları pozub özünü haqlı çıxarmağa çalışan sürücünün görüntüləri sosial şəbəkədə yayılıb. Avtosfer.az xəbər verir ki, 10-ZT-030 qeydiyyat nişanlı "Hyundai" markalı avtomobilin sürücüsü mayın 21-i paytaxtın Neftçilər prospektinin sağ zolağı ilə hərəkət edən zaman qəfildən orta zolağa yerdəyişmə edib. O, bir az qarşıda eyni hərəkəti yenidən təkrarlayaraq növbəti dəfə qəza şəraiti yaradıb. Görüntünü qeydə alan sürücü qəzanın qarşısını almaq məqsədi ilə səs siqnalı verən zaman o, əlini bayıra çıxararaq qışqırmağa başlayıb. Bununla kifayətlənməyən sürücü yoluna davam edərək görüntünü qeydə alan avtomobilin qarşısında qəfil tormoz verib yenidən qəza şəraiti yaradıb.

Sözügedən görüntüləri təqdim edirik:

Təbriz