Xırdalanda 1 manatlıq taksi sürücüsü 100 manatlıq qayda pozdu - VİDEO

Taksi sürücüsü bir manat pul qazanacaq deyə yüz manatlıq qayda pozdu. Görüntülər Xırdalan şəhərində qeydə alınıb. Avtosfer.az">Avtosfer.az xəbər verir ki, oktyabrın 11-də Xırdalan şəhəri Heydər Əliyev prospektində hərəkət edən 77-BG-915 qeydiyyat nişanlı "Honda" markalı avtomobilin sürücüsü öncə qoşa xəttin üzəri ilə hərəkət edərək avtomobilləri ötməyə başlayıb. Daha sonra yolda sıxlığın olduğunu görərək ayırıcı zolağın əks tərəfinə keçib və qarşıdan gələn maşınların üzərinə hərəkət edərək onlara təhlükə yaradıb.

Sosial şəbəkələrdə qayda pozan sürücülərin videoları yayılarkən bəzi insanlar onlara don geyindirərək "bəlkə xəstəsi var", "bəlkə tələsir" - kimi məşhur ifadələri işlədirlər. Lakin qeyd etmək istəyirik ki, bu cür xətaları törədən sürücülərin 90 faizi heç yerə tələsmir. Sadəcə olaraq qayda pozuntusu törətmək onların həyat tərzinə çevirilib.
Təqdim etdiyimiz görüntüdəki sürücü kimi: 1 manat pul qazanacaq deyə bir neçə dəfə qayda pozdu.

Fərid