Xırdalanda avtobus sürücüsünün özbaşınalığı: Nəzarət niyə yoxdur? - VİDEO

Xırdalanda qaydaları pozan avtobus sürücüsünün videosunu oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, 515 nörməli xətt üzrə fəaliyyət göstərən 90-RA-854 qeydiyyat nişanlı avtobusun sürücüsü qapıları açıq vəziyyətdə hərəkət edib. O, yol boyu hər iki  qapını açıq vəziyyətdə saxlayıb.

Qeyd edək ki, qapıları açıq vəziyyətdə nəqliyyat vasitəsini idarə etmək həm qanunvericiliyə ziddir, həm də ki, sərnişinlərin həyatı üçün təhlükəlidir. Xırdalan və Masazır qəsəbələrində sərnişin daşıma ilə məşğul olan bu tip daşıma şirkətləri təhlükəsizlik qaydalarına məhəl qoymurlar. Çox təəssüf ki, onlara qarşı ciddi nəzarət də yoxdur. Bu səbəbdən də sürücülər özbaşınalıq etməklə məşğuldurlar.

Fərid