Xırdalanda nişanın tələbini pozan sürücü yolda hərəkəti dayandırdı - VİDEO

Xırdalanda daha bir sürücü yol nişanının tələbini pozaraq hərəkəti çətinləşdirib. Avtosfer.az xəbər verir ki, hadisə iyulun 5-də, Heydər Əliyev prospektində baş verib. Belə ki, 77-KM-250 qeydiyyat nişanlı “Toyota” markalı avtomobilin sürücüsü geriyə dönməni qadağan edən nişanın tələbini pozaraq yolu kəsib. Sözügedən prospektdə yol ensiz olduğu üçün ayırıcı zolağın kəsiklərində geriyə dönmə manevri qadağan edilib. Çox təəssüf ki, sürücülər həmin nişana məhəl qoymurlar. Nəticədə də yolda tıxac yaranır. Hər sürücünün bu formada manevr etməsi yolda hərəkətin dayanması ilə nəticələnə bilər.

Fərid