Xırdalanda yüksək sürətlə ölümə gedən sürücü - VİDEO

Xırdalanda yüksək sürətlə hərəkət edən sürücünün videosunu oxuculardan biri redaksiyamızın qaynar xəttinə göndərib. Avtosfer.az xəbər verir ki, hadisə iyunun 26-da, Heydər Əliyev prospekti ilə Zərifə Əliyeva küçəsinin kəsişməsində baş verib. Belə ki, sürücü svetoforun qarşısında dayanmış maşınlardan önə keçmək üçün gəldiyi sürətlə əks yola çıxıb və hərəkətinə davam edib. Onun sürəti o qədər yüksək olub ki, avtomobilin nə markası, nə də qeydiyyat nişanı videogörüntüyə əks olunmayıb.
Ümid edirik ki, Dövlət Yol Polisi İdarəsi kameralar vasitəsilə həmin sürücünü müəyyən edərək barəsində ciddi tədbir görəcək.


Fərid