Yol polisi bu şirkətləri 2000 manat cərimə edə bilər

Bəzi şirkətlər sahib olduqları avtomobilləri sürücülük hüququ olmayan şəxslərə idarə etmək üçün verirlər. Məsələn, hər hansı məhsulun daşınması zamanı çatdırılma işini yerinə yetirən şəxsin sürücülük vəsiqəsi olmur. Şirkət əlavə sürücü götürməkdən qənaət etmək istəyir. Nəticədə isə ciddi şəkildə cərimə oluna bilər. İnzibati Xətalar Məcəlləsinin 335.1-ci maddəsində qeyd olunur ki, nəqliyyat vasitəsinə sahiblik hüququ olan şəxs tərəfindən nəqliyyat vasitəsini idarə etmək üçün idarəetmə hüququ olmayan şəxsə verilməsinə görə fiziki şəxslər altmış manat məbləğində, vəzifəli şəxslər iki yüz manat məbləğində, hüquqi şəxslər iki min manat məbləğində cərimə edilir.

Yəni, hüquqi şəxs olan şirkət sahib olduğu nəqliyyat vasitəsini idarəetmə hüququ olmayan şəxsə verərəsə 2000 manat cərimə oluna bilər.

Orxan