DYP videosu yayılan bu sürücünü məsuliyyətə cəlb etdi - VİDEO

Bakıda dayanma-durma qaydasını pozub hərəkəti çətinləşdirən sürücü cərimələnib. Bu barədə Avtosfer.az- Bakı şəhər Dövlət Yol Polisi İdarəsindən məlumat verilib.  Belə ki, 99-BJ-469 qeydiyyat nişanlı “Mercedes” markalı avtomobilin sürücüsü fevralın 24-də, paytaxtın Yusif Vəzir Çəmənzəminli küçəsində parklanma qaydasını pozub. Bu qaydanı pozmaqla yolda hərəkəti çətinləşdirib. Sürücü isə belə olmalı imiş kimi avtomobildən düşərək ətrafı seyr edib.

Görüntülər yayıldıqdan sonra yol polisi sürücünün kimliyini müəyyən edib. Məlum olub ki, xətanı 1980-cı il təvəllüdlü Yaqubov Mirkərim Qənnaf oğlu törədib. O, İnzibati Xətalar Məcəlləsinin 346.1-ci maddəsilə 20 manat məbləğində cərimə edilib.

Nurlan Sakitoğlu