Yol polisinin gözü qarşısında qayda pozan sürücü CƏRİMƏLƏNDİ - VİDEO

Bakı şəhər Dövlət Yol Polisi İdarəsinin bölmə rəisi, polis polkovniki Vaqif Əsədov Avtosfer.az-a açıqlamasında bildirib ki, paytaxtın Mikayıl Müşviq küçəsində yol hərəkəti qaydasını pozan 90-FN-002 qeydiyyat nişanlı "BMW" markalı avtomobilin görüntülərinə baxış keçirilib. Fakt öz təsdiqini tapdığına görə sürücü Zeynalov Aqil Vüqar oğlu idarəyə dəvət olunub və törətdiyi xətaya uyğun olaraq İnzibati Xətalar Məcəlləsinin 327.2-ci maddəsi ilə inzibati məsuliyyətə cəlb olunub.

Xatırladaq ki, M.Müşviq küçəsi ilə hərəkət edən 90-FN-002 qeydiyyat nişanlı "BMW" markalı avtomobilin sürücüsü İ.Qutqaşınlı küçəsinə dönmək üçün yol patrul xidməti əməkdaşının gözü qarşısında bütöv xəttin tələbini pozaraq hərəkət edib.

Qeyd edək ki, M.Müşviq küçəsi ilə hərəkət edən sürücülərin sola- İ.Qutqaşınlı küçəsinə dönməsi qadağandır. Bu səbəbdən də sürücülər öncə sağa dönməli və 50 metr qarşıdan geriyə dönərək istədikləri istiqamətə hərəkət edə bilərlər.
Lakin bu sürücü sola dönmənin qadağan olduğunu görərək daha kobud qayda pozuntusuna yol verib.

Təbriz