Yolayrıcında sərnişin düşürən sürücü tıxac yaratdı - VİDEO

Qayda pozan sürücü avtomobilləri növbədə saxladı. Avtosfer.az xəbər verir ki, sosial mediada gündəmə düşən video, Səbail rayonunun Bünyad Sərdərovla İstiqlaliyyət kəsişməsində baş verib. Hadisədən göründüyü kimi yol ayrıcındakı piyada keçidindən öndə saxlayan “Nissan Sunny” markalı, 10-RD-043 dövlət nömrə nişanlı avtomobilin sahibi arxa tərəfdən gələn nəqliyyat vasitələrinin hərəkətinə mane yaradıb.

Avtomobilini evinin həyətində park edibmiş kimi hiss edən “sürücü” ehmalca maşınından düşüb və bir anlıq avtomobilin ön hissəsindən çıxan yeniyetmə ilə ünsiyyətə başlayıb. “Söhbətdən” ayılan dayı maşının arxa qapısını açaraq öncə sənədi götürüb, daha sonra qadın və başqa yeniyetmə avtomobildən düşərək onun arxasıyca gediblər.

Maraqlı məqam isə dayımızın hələ də arxada düzülən avtomobilləri görməzdən gələrək maşının parklanmasına dəyişiklik etmədən məkandan uzaqlaşması olub. 
Qeyd edək ki, qeydə alınmış yol pozuntusu İnzibati Xətalar Məcəlləsinin 346.1 maddəsinə, əsasən 20 manat cərimə tətbiqinə gətirib çıxarır.

Nərmin Əkbər