Yolayrıcında sərnişin düşürüb "əcəb edirəm" deyən sürücü cərimələndi - VİDEO

Dayanma-durma qaydalarını pozaraq tıxaca səbəb olan sürücü cərimələnib.

Avtosfer.az xəbər verir ki, xoşagəlməz hadisə paytaxtın İnşaatçılar prospektində qeydə alınıb. Kadrlardan məlum olduğu kimi, 90-TO-998 dövlət nömrə nişanlı, “İnfiniti QX-56” markalı avtomobilin sürücüsü maşını yolayrıcında saxlayaraq dəqiqələrlə nəqliyyat vasitələrinin irəliləməsinə əngəl yaradıb. Belə ki, avtomobildən düşən sərnişindən geri qalmayan sürücü yaranmış vəziyyətdən qəzəblənən həmkarlarının siqnal səslərinə məhəl qoymayıb. Son anda səbrləri tükənən sürücülər qayda pozan şəxsə iradlarını bildirsələr də cavabında “əcəb edirəm” ifadəsini eşidiblər.

Görüntülər yayıldıqdan sonra Bakı şəhər Dövlət Yol Polisi İdarəsi araşdırmaya başlayıb. Məlum olub ki, xətanı 1958-ci il təvəllüdlü Qulamov Qabil İsabala oğlu törədib. O, İnzibati Xətalar Məcəlləsinin 346.1-ci maddəsilə 20 manat məbləğində cərimə edilib.

Nərmin