Yolu kəsib "qoçuluq" edən taksi sürücüsü cərimələndi - VİDEO

Bakıda yolu kəsən taksi sürücüsü cərimələnib. Bu barədə Avtosfer.az-a Bakı şəhər Dövlət Yol Polisi İdarəsindən məlumat verilib. Belə ki, “Uber” taksi şirkətinə məxsus 77-BN-933 qeydiyyat nişanlı “Toyota Prius” markalı avtomobilin sürücüsü paytaxtın Mikayıl Müşviq küçəsində dairəyə daxil olan zaman sol zolağa  yerdəyişmə edib. Görüntünü qeydə alan sürücü təhlükə yarandığı üçün səs siqnalından istifadə  edib. Bu zaman taksi sürücüsü onun yolunu kəsərək avtomobildən düşüb və onunla  mübahisə etməyə başlayıb.

Video dərc edildikdən sonra yol polisi həmin sürücünün müəyyən edilməsi istiqamətində tədbirlər görüb. Nəticədə məlum olub ki, xətanı törədən sürücü 1976-cı il təvəllüdlü Verdiyev Şahin Vaqif oğludur. O, İnzibati Xətalar Məcəlləsinin 327.1-ci maddəsi ilə 40 manat məbləğində cərimə edilib.

Könül