Yolu kəsib “razborkaya” başlayan sürücü cərimələndi – VİDEO

Bakıda yol hərəkəti qaydasını pozub mübahisə edən sürücü məsuliyyətə cəlb edilib. Bu barədə Avtosfer.az-a Bakı şəhər Dövlət Yol Polisi İdarəsindən məlumat verilib. Araşdırma zamanı məlum olub ki, qayda pozuntusunu 1991-ci il təvəllüdlü Qocayev Fuad Firudin oğlu törədib. O, İnzibati Xətalar Məcəlləsinin 327.1-ci maddəsi ilə 40 manat məbləğində cərimələnib.

Qeyd edək ki, 90-CP-070 qeydiyyat nişanlı “Nissan Maxima” markalı avtomobilin sürücüsü iyunun 23-də, paytaxtın Gülarə Qədirbəyova küçəsində manevr qaydasını pozaraq görüntünü qeydə alan sürücünü sıxışdırıb. Daha sonra sağdan ötmə edərək onun qarşısına keçib. Yolu kəsən sürücü avtomobildən düşərək mübahisə etməyə başlayıb. Onun bu hərəkəti digər sürücülərə də çətin anlar yaşadıb.

Könül