20 Yanvar dairəsində qırmızıdan keçən sürücü qəza törətdi - VİDEO

Bu gün paytaxtın 20 Yanvar dairəsində iki avtomobil toqquşub. Avtosfer.az xəbər verir ki, Həsən bəy Zərdabi küçəsindən gələn minik avtomobili işıqforun qırmızı işığına məhəl qoymayıb. Nəticədə Tiblisi prospektində öz yolu ilə hərəkət edən nəqliyyat vasitəsinin önünə çıxıb. Bu səbəbdən qəza qaçılmaz olub. Svetofora diqqət etməyən, qarşıda iki avtobusun dayandığını belə nəzərə almayan sürücü çox güman ki, yola nəzarət etmirmiş və düşünüb ki, dairəyə daxil olubsa yol onundur...
Xoşbəxtlikdən ciddi xəsarət alan olmayıb. Faktla bağlı araşdırmalar davam edir.
Yol nişanları və işıqforlar həm piyadaların, həm də sürücülərin təhlükəsizliyi üçün nəzərdə tutulub. Onlara əməl etmədikdə isə həyatınıza təhlükə yarana bilər.

Nurlan