"20 Yanvar"da qəza tıxaca səbəb oldu

Bakı şəhəri 20 Yanvar dairəsində yol nəqliyyat hadisəsi baş verib. 20 Yanvar dairəsindəki yol ötrücüsü ilə hərəkət edən “Volkswagen” markalı minik maşınının sürücüsü tunelə daxil olan zaman sükana nəzarəti itirib. Avtosfer.az anspress-ə istinadən məlumatına görə, idarəetmədən çıxan avtomobil onunla eyni hərəkət istiqamətində olan “Mercedes”ə çırpılıb. Nəticədə “Volkswagen”in sürücüsü ayaq nahiyəsindən yüngül xəsarət alıb. Yaralıya hadisə yerində ilkin yardım göstərildikdən sonra o xəstəxanaya aparılıb. Qəza ilə bağlı yolda nəqliyyatın hərəkətində sıxlıq da yaranıb. Qəzaya səbəb kimi isə sürət həddinin aşılması və ara məsafəsinin qorunmaması göstərilir.