Adam öldürən sürücü 2 il sonra tutuldu

Salyanda təxminən 2 il əvvəl ölümlə nəticələnən yol qəzası törətmiş sürücünün kimliyi məlum olub. Avtosfer.az xəbər verir ki, Daxili İşlər Nazirliyinin (DİN) mətbuat xidmətindən verilən məlumata görə, Baş Dövlət Yol Polisi İdarəsi əməkdaşlarının həyata keçirdikləri əməliyyat-axtarış tədbirləri nəticəsində 2013-cü il mayın 17-də Salyan rayonu ərazisində Qızqayıt Gözəlovanın ölümü ilə nəticələnən yol-nəqliyyat hadisəsinin kimin tərəfindən törədilməsi müəyyən edilib. Məlum olub ki, bu, “MAN” markalı avtomobilin sürücüsü, Astara rayon sakini Mehdi Kərimovdur.