Aeroport yolunda ağır qəza: xəsarət alan var

Bu axşam Bakıda, aeroport yolu, Zığ şössesində ağır yol qəza hadisəsi baş verib. APA-nın məlumatına görə, qəza zamanı iki “Mercedes” markalı minik maşını toqquşub. Nəticədə sərnişinlərdən biri Ramazanov Əhməd ağır yaralanıb. Qəza yerinə təcili tibbi yardım maşınları, FHN-nin Xüsusi Riskli Xilasetmə Xidmətinin əməkdaşları və Suraxanı Rayon Polis İdarəsinin əməkdaşları gəlib. Yaralı 3 saylı şəhər xəstəxanasına çatdırılıb. Qəzaya uğramış avtomobillər ərazidən evakuasiya edilib.