Ağır qəza: 3 gənc öldü, 2-si yaralandı

Bakı şəhəri Qaradağ rayonu ərasizində dəhşətli yol-nəqliyyat hadisəsi baş verib. Hadisə şahidlərinin anspress-ə verdikləri məlumata görə, qəza ötən gün səhər saatlarında Ələt-Astara yolunda qeydə alınıb. Hadisə “Prado” markalı avtomobillə, “VAZ 21015” markalı avtomobilin toqquşması nəticəsində baş verib. “Vaz 21015”in içərisində 5 gənc olub. Qəza nəticəsində “VAZ 21015”- sürücüsü 1990-cı il təvəllüdlü Ramil Möhnətov və onun yanında olan 1993-cü il təvəllüdlü Röyal Dadaşov və Fuad Quliyev dünyalarını dəyişiblər. “VAZ 21015”- in içərisində olan digər iki nəfər - Müqəddəs Əliyev və Şahin Süleymanov ağır vəziyətdə vəziyyətdə Bakıdakı 1 saylı Kliniki Tibbi Mərkəzə çatdırılıblar. Hazırda onların vəziyyətinin ağır olduğu bildirilir. Salyan rayonu Xərəc kəndinin sakinləri olan gənclərin Sənqəçal qəsəbəsində yerləşən neft obeyktlərindən birində mühafizəçi vəzifəsində işlədikləri bildirilir. “Prado”-da isə bir nəfər sürücü olub. Onun hadisə nəticəsində xəsarət almadığı bildirilir. Şahidlərin bildirdiklərinə görə, hadisə “Prado” markalı avtomobilin yoldan çıxması nəticəsində baş verib. Hadisə ilə bağlı araşdırma aparılır.