Ağır qəzaya düşən Azərbaycan əsilli aktyordan xəbər var

Ağır yol qəzası keçirmiş Türkiyənin tanınmış aktyorlarından olan Taner Karadağlı əməliyyat olunacaq. Lent.az-ın Türkiyə mətbuatına istinadən məlumatına görə, bu barədə aktyorun çəkildiyi “Çoçuklar duymasın” serialının qəhrəmanlarından biri Havuç rolunu canlandıran aktyor Furkan Kızılay deyib. Onun sözlərinə görə, Taner Karadağlı ilə görüşüb bu gün və durumu yaxşıdır. Aktyorun hər iki biləyində qırıq olduğundan o, tezliklə əməliyyat olunacaq. 

Qeyd edək ki, dünən Azərbaycan əsilli aktyor Taner Karadağlı Bursanın İzinlik qəsəbəsində motosiklet sürərkən qəzaya düşüb. O, dərhal xüsusi ambulans helikopterlə İstanbuldakı özəl klinikaların birinə gətirilib.

Aktyorun sənət dostu və "Çocuklaq duymasın" serialdakı tərəf müqabili Pınar Altuğ təcili olaraq klinikaya gedib və dostuna baş çəkib. O, jurnalistlərə açıqlamasında Tanerin həyatına təhlükə olmadığını, yaddaşının itmədiyini və tezliklə yaxşılaşacağını deyib.