Ağır yol qəzasında 10 nəfər yaralanıb - FOTO

İstanbulun Başakşehir rayonunda iki avtomobilin iştirakı ilə baş vermiş yol-nəqliyyat hadisəsində on nəfər yaralanıb.

Avtosfer.az xəbər verir ki, bu barədə “TRT Haber” məlumat yayıb.

Telekanalın məlumatına görə, taksinin digər minik avtomobili ilə toqquşması nəticəsində yaralanmış on nəfərdən üçü sıxılaraq avtomobildə qalıb. Onları xüsusi texnika ilə çıxarmaq mümkün olub.

Qəza səbəbindən prospekt müvəqqəti olaraq bağlanıb. Yaralılar yaxınlıqdakı xəstəxanaya çatdırılıblar. Onların vəziyyətinə dair məlumat verilməyib.

Faktla bağlı araşdırma aparılır.

Xatırladaq ki, ötən ay Türkiyədə turistləri daşıyan avtobusun qəzaya uğraması nəticəsində 18 nəfər yaralanmışdı.