Avtobus qatarla toqquşdu: 16 ölü, 30 yaralı

Meksikanın şimal-qərb bölgəsində ağır yol qəzası qeydə alınıb. APA-nın Reuters agentliyinə istinadən verdiyi məlumata görə, sərnişin avtobusunun qatarla toqquşması nəticəsində azı 16 nəfər ölüb, 30  nəfər müxtəlif dərəcəli bədən xəsarətləri alıb. Qəza zamanı avtobusda 60 sərnişinin olduğu bildirilir. Faciəvi insident Nuevo-Leon ştatının Anauak şəhərində baş verib. Hadisənin səbəbləri hələlik bəlli deyil.