Avtobus qəzaya uğradı: 5 ölü, 11 yaralı

Əfqanıstanın şimalındakı Bağlan əyalətində iki sərnişin avtobusunun toqquşması nəticəsində 5 nəfər ölüb, 11 nəfər yaralanıb.

Avtosfer.az “Azərtac”a istinadən xəbər verir ki, bu barədə Bağlan əyalətinin polis idarəsi məlumat yayıb.

Qəza ilə bağlı araşdırmalar aparılır.

Xatırladaq ki, Əfqanıstanda pis yol şəraiti, ehtiyatsız idarəetmə, çətin relyef, həddindən artıq yüklənmə, sürət həddinin aşılması səbəbindən tez-tez ölümlə nəticələnən avtomobil qəzaları baş verir.