Dünənin ən ağır hadisələrindən biri də Bakı-Ələt yolunda 23 nəfərin xəsarət alması ilə nəticələnən avtobus qəzası idi. Ancaq xoşbəxtlikdən həmin hadisə zamanı ölüm qeydə alınmadı. Bəs avtobusun yoldan çıxaraq aşmasına səbəb nə olub? Elə həmin vaxtı avtobusu idarə edən şəxs hadisə yerində bütün olanları danışıb. 

Bakı-Ələt yolunda baş verən ağır avtobus qəzasının detalları üzə çıxıb. Həmin vaxtı içərisi sərnişinlə dolu aşan 164 saylı avtobusun sürücüsü hadisə ilə bağlı danışıb. Sürücü Razim Məmmədov iddia edir ki, hadisəyə səbəb piyadaların qəfil onun qarşısına çıxması olub.

Yol kənarına sürüşən avtobus aşıb və nəticədə 23 nəfər müxtəlif dərəcəli xəsarətlər alıb. Xoşbəxtlikdən hadisə zamanı ölüm qeydə alınmayıb. 

Xəsarət alan 23 nəfərin 18-i dünən evə buraxılıb. 5 nəfərin isə müalicəsi davam etdirilir. 164 saylı marşurut xəttinin müvəqqəti aid olduğu daşıyıcı şirkətin rəsmisi bildirir ki, qəzada xəsarət alanların zərərlərini sığorta şirkəti qarşılayacaq. 

Yaralıların vəziyyətinə gəldikdə isə TƏBİB-in şöbə müdiri Zamirə Ədilovə bildirib ki, qurumun tabeliyindəki tibb müəssisələrində 5 nəfərin müalicəsinə davam edilir.

Qeyd edək ki,hadisə  Baki-Qazax yolunun 26-cı km-də qeydə  alınıb.