Avtomobil 23 yaşlı gəncin həyatına son qoydu

Paytaxtda 23 yaşlı gənc avtomobil vurması nəticəsində ölüb. Bakı şəhər Baş Polis İdarəsinin (BŞBPİ) mətbuat xidmətindən Avtosfer.az-a verilən məlumata görə, fevralın 8-də saat 19:30 radələrində Ziya Bünyadov prospektində Bakı şəhər sakini 1990-cı il təvəllüdlü Vüqar Vəliyev idarə etdiyi “Toyota” markalı avtomobillə Cəbrayıl rayon sakini, 1992-ci il təvəllüdlü Ceyhun Hüsüyevi vurub. C.Hüsüyev aldığı xəsarətdən hadisə yerində ölüb. Faktla bağlı Nərimanov rayon Polis İdarəsi 17-ci Polis Bölməsində araşdırma aparılır.