Avtomobil dərəyə aşdı - Bir ailənin 8 üzvü öldü

Pakistanın şimal-qərbindəki Hayber-Paxtunxva əyalətində avtomobilinin dərəyə aşması nəticəsində bir ailənin 8 üzvü həyatını itirib. Avtosfer.az xəbər verir ki, bu barədə mətbuata açıqlamasında dövlət xilasetmə xidmətinin nümayəndəsi bildirib. Onun sözlərinə görə, qəza dünən axşam saatlarında Karakorum şosesinin Kohistan dairəsində baş verib. Avtomobil idarəetməni itirərək dərəyə aşıb və nəticədə 4 uşaq da daxil olmaqla, maşındakı 8 nəfərin hamısı həlak olub. Hadisə yerinə gələn xilasedicilər və yol polisi cəsədləri yaxınlıqdakı xəstəxanaya aparıblar. Qəzanın səbəbləri araşdırılır.

Pakistanın şimalındakı dağlıq ərazilərdə ağır yol-nəqliyyat hadisələrinin ümumi səbəbi pis yol şəraiti və sürət həddinin aşılmasıdır.