Avtomobil işıq dirəyinə çırpılıb aşdı - VİDEO

Gecə saatlarında Bakıda yol-nəqliyyat hadisəsi baş verib. Avtosfer.az-ın anspress-ə istinadən məlumatına görə, paytaxtın Yasamal rayonu Mikayıl Müşviq küçəsində qeydə alınan hadisə zamanı qəzaya uğrayan "Nissan" markalı minik maşınında 3 nəfər xəsarət alıb. Yaralıları sıxışıb qaldığı yerdən çıxarmaq üçün əraziyə Fövqəladə Hallar Nazirliyini xilasediciləri cəlb olunub. Xilasedicilərin xüsusi avadanlıqlarının sayəsində sürücü Muxtar Mehdiyev, eləcə də sərnişinlər İmtiyaz Babayev və Xalid Umudov maşından çıxarılaraq təcili tibbi yardıma təhvil verilib. Amma yaralıardan İmtiyaz Babayev xəstəxanada müayinə olunmaqdan boyun qaçırıb. İstər polis əməkdaşları, istərsə də xilasedicilər onu bu fikrindən daşındıra bilməyib.

Qəzanın səbəbləri, eləcə də yol təsərrüfatına dəyən maddi ziyanın miqdarı Yasamal Rayon Polis İdarəsində aparılacaq təhqiqatın gedişində bəlli olacaq.