Avtomobil kanala düşdü: sürücü boğuldu

Salyan rayonunda yol qəzası baş verib. Nəqliyyat hadisəsi zamanı 1 nəfər ölüb. Hadisə ötən gün axşam saatlarında rayonun Seydan kəndi ərazisində qeydə alınıb.

Avtosfer.az regiontv-yə istinadən xəbər verir ki, 27 yaşlı Mirteymur Abıyev sükanı arxasında olduğu "VAZ - 2106" markalı avtomobillə Salyan-Şirvan yolu istiqamətidə hərəkətdə olarkən anidən idarəetməni itirib. Nəticədə avtomobil yolun kənarındakı kanala düşüb. Hadisə zamanı sürücü tək olduğundan avtomobilin içərisində suda boğularaq dünyasını dəyişib. Faktla bağlı araşdırma aparılır.