Avtomobili hasara çırpdı: ölən və yaralananlar var

Samux rayonunda ölümlə nəticələnən yol-nəqliyyat qəzası baş verib. Samux rayon Polis Şöbəsindən APA-ya verilən məlumata görə, hadisə ötən gecə rayonunun Nəbiağalı qəsəbəsində qeydə alınıb. Göygöl rayon sakini, 22 yaşlı Eşqin Bayramov idarə etdiyi “VAZ-21015” markalı avtomobili yol ayırıcında hasara çırpıb. Nəticədə avtomobildə olan sərnişin - 22 yaşlı Gəncə şəhər sakini Azər Bağırov hadisə yerində dünyasını dəyişib, sürücü və digər sərnişini, Daşkəsən rayon sakini, 22 yaşlı Elşən Quliyev ağır bədən xəsarətləri ilə Samux rayon Mərkəzi Xəstəxanasına yerləşdiriliblər. Faktla bağlı araşdırma aparılır.