Avtomobillər toqquşdu, piyada öldü

Bakının Nəsimi rayonunda ölümlə nəticələnən yol-nəqliyyat hadisəsi baş verib. Bakı şəhər Baş Polis İdarəsindən Lent.az-a verilən məlumata görə, S.Vurğun və Bakıxanov küçələrinin kəsişməsində 1985-ci il təvəllüdlü Azər Məmmədovun idarə etdiyi «Mercedes» və 1979-cu il təvəllüdlü Famil Ələkbərovun idarə etdiyi «Qazel» toqquşub. Nəticədə «Mercedes» markalı avtomobil yoldan keçən piyada - 1967-ci il təvəllüdlü Şəfiqə Babayevanı vurub. Ş.Babayeva xəstəxanada ölüb. Faktla bağlı araşdırma başlanıb