Avtovağzaldakı dəhşətli qəzanın görüntüləri - VİDEO

Bakının Binəqədi rayonu, Biləcəri qəsəbəsi, Rəşid İsmayılov küçəsində, avtovağzal dairəsi yaxınlığında 6 nəqliyat vasitəsinin toqquşması ilə nəticələnən yol qəzası baş verib. ANS-in məlumatına görə, dairəvi yoldan əsas yola çıxan zaman hərəkətdə olan qaldırıcı kran idarəetmənin itirilməsi nəticəsində beş minik maşınının üzərinə aşıb. Hadisə şahidlərinin verdiyi məlumata görə, “ZİL” markalı qaldırıcı kranın əyləc sisteminin işləməməsi sürcüyə baha başa gəlib. Belə ki, idarəetməni itirən sürücü qarşıda gələn beş minik avtomobili ilə toqquşub. Nəticədə xəsarət alanlar var. Qəza zamanı iki “Merecedes”, bir “Toyota”, bir “VAZ 2107” markalı avtomobil və bir rayonlarası sərnişin avtobusu əzilib. Nəticədə 4 nəfər xəsarətlə xəstəxanaya çatdırılıb. Onların vəziyyəti qənaətbəxş hesab olunur. Yol Patrul Xidmətinin və rayon polis idarəsinin əməkdaşları da hadisə yerinə cəlb edilib. Müəyyən olunub ki, qaldırıcı kran nasaz vəziyyətdə imiş. Qaldırıcı kranın yoldan uzaqlaşdırmaq üçün əraziyə ağır texnika cəlb edilib, bu da yolda tıxac yaradıb. Yol qəzası ilə bağlı araşdırmalara başlanılıb.

Hadisəyə hüququ qiymət yaxınlıqdakı müşahidə kameralarının lentdə aldığı görüntülərə baxıldıqdan sonra qiymət veriləcək.