AXCP üzvü yol qəzasında öldü

Bakıda ağır yol qəzası baş verib. Avtosfer.az-ın Daxili İşlər Nazirliyinin saytına istinadən verdiyi məlumata görə, noyabrın 11-də Sabunçu rayonunun Maştağa qəsəbəsində Bakı şəhər sakinləri Teymur Sağıyevin idarə etdiyi “QAZ-3302” və Emin İbrahimovun idarə etdiyi “VAZ-21154” markalı avtomobillər toqquşub. E.İbrahimov və 1 sərnişini xəstəxanaya yerləşdirilib, E.İbrahimov noyabrın 13-də orada ölüb. Araşdırma aparılır.

Qeyd edək ki, Emin İbrahimov Azərbaycan Xalq Cəbhəsi Partiyasının (AXCP) Gənclər Komitəsinin üzvüdür. AXCP-nin Gənclər Komitəsinin sədri İlham  Hüseyn APA-ya faktı təsdiqləyib.