Azərbaycan vətəndaşı Türkiyədə qəzaya düşdü; ölən var

Türkiyədə Azərbaycan vətəndaşı ağır yol qəzası keçirib. Anspress-in məlumatına görə, İstanbul istiqamətində avtomagistralda hərəkət edən avtomobil yol kənarındakı dəmir çəpərlərə çırpılıb. Qəza nəticəsində sürücü və onun yanında əyləşən sərnişin hadisə yerindəcə dünyasını dəyişib. Digər sərnişin Azərbaycan vətəndaşı Arzu Abdullayeva isə zərbənin təsirindən maşının pəncərəsindən çıxaraq yola düşüb. O, dərhal xəstəxanaya yerləşdirilib. Arzu Abdullayevanın vəziyyətinin ağır stabil olduğu bildirilir. Ölən şəxslərin kimliyi isə hələlik məlum deyil. İstanbul yol polisinin açıqlamasında bildirilir ki, qəzanın baş verməsinə səbəb yüksək sürət olub. Belə ki, sürücü idarəetməni itirərək qəza törədib.