Azərbaycanda atlını vurub öldürən sürücü qaçdı - FOTO

Bakı-Qazax-Gürcüstan magistral yolunda ölümlə nəticələnən yol nəqliyyat qəzası baş verib. Avtosfer.az-ın APA-ya istinadən məlumatına görə, hadisə magistral yolun 474-cü km-də, Qazax rayonu Qarapapaq kəndi ərazisində baş verib. Yük maşını Ağstafa rayon Dağkəsəmən kənd sakini, 54 yaşlı Yusifov Yunis Vəkil oğlunu Qazax rayonu ərazisindəki bulaqdan atla su apararkən vurub. Y.Yusifov hadisə yerində ölüb, atın isə ayaqları sınıb. Hadisəni törədən sürücü avtomobillə birlikdə hadisə yerindən qaçıb. Faktla bağlı Baş Dövlət Yol Polisi İdarəsində araşdırma aparılır.