Azərbaycanda torpaqla dolu maşın mağazanı dağıtdı

Avtosfer.az "kanal s"-ə (region tv) istinədən xəbər verir ki, bu gün səhər saatlarında Bakı-Şamaxı-Yevlax yolunun 108.5 km-liyində avtomobil qəzası qeydə alınıb. Torpaqla dolu yük maşını idarəetmədən çıxaraq yolun kənarındakı ət satışı mağazasına çırpılıb. Nə baş verdiyini anlamayan satıcı bir anda üzərinə gələn maşından canını xilas edə bilib. Xoşbəxtlikdən, qəza zamanı xəsarət alan olmasa da, ət mağazası uçub-dağılıb. İlkin məlumatlara görə, qəzaya səbəb avtomobilin əyləc sistemində yaranan nasazlıq olub. Fakt araşdırılır.