Babək körpüsündə ağır yol qəzası - VİDEO

Bakıda zəncirvari yol-nəqliyyat hadisəsi baş verib. Bununla bağlı videogörüntü sosial şəbəkələrdə paylaşılıb.

Videogörüntüdə hadisənin bu gün saat 14:00 radələrində Babək körpüsündə baş verdiyi, nəticədə ölən və xəsarət alanların olduğu bildirilib.

Hadisə ilə bağlı Baş Dövlət Yol Polis İdarəsinə sorğu ünvanladıq.

İdarənin bölmə rəisi Toğrul Nəsirli Oxu.az-ın sorğusuna cavab olaraq faktı təsdiqlədi:

"Hadisə bu gün saat 13:30-da paytaxtın Nizami rayonu, Babək prospektində üç nəqliyyat vasitəsinin iştirakı ilə baş verib.

Nəticədə 4 nəfər xəsarət alıb, ölən yoxdur. Hazırda Nizami Rayon Polis İdarəsində faktla bağlı araşdırma aparılır", - deyə T.Nəsirli bildirib.