Bakı-Sumqayıt yolunda 4 maşının iştirakı ilə zəncirvari qəza - VİDEO

"Bakı-Sumqayıt yolunda baş verən zəncirvari yol-nəqliyyat hadisəsi bu gün saat 14:00-da yolun 12-ci km-də qeydə alınıb".

Avtosfer.az xəbər verir ki, bu varədə Oxu.az-a Baş Dövlət Yol Polisi İdarəsindən (BDYPİ) məlumat verilib.

""Mercedes" markalı 90-SG-489 dövlət qeydiyyat nişanlı avtomobilin sürücüsü Ülvi Alışovun idarəetməni itirməsi səbəbindən idarə etdiyi avtomobil əvvəlcə 99-LL-964 dövlət nömrə nişanlı, Mətləbli Nemanın idarə etdiyi DAF markalı yük avtomobilinə, daha sonra isə Zakir Şakir oğlu Səmədovun idarə etdiyi "Mercedes" markalı 10-SX-265 dövlət qeydiyyat nişanlı avtomobilə çırpılıb.

Bu zaman hərəkətdə olan 99-BB-387 dövlət qeydiyyat nişanlı, Elnur Eyyub oğlu Əliyevin idarə etdiyi "Opel" markalı avtomobil də sözügedən yük avtomobilinin arxa hissəsinə çırpılıb.

Hadisə nəticəsində "Opel"də olan sərnişin Ərəstun Abbasağa oğlu Abbasov yüngüldərəcəli xəsarət alıb. Faktla bağlı araşdırma aparılır"- deyə məlumatda bildirilir.

***

Bakı-Sumqayıt yolunda yol-nəqliyyat hadisəsi baş verib.

Avtosfer.az xəbər verir ki, bununla bağlı görüntülər sosial şəbəkədə yayılıb.

Bildirilib ki, biri yük avtomobili olmaqla dörd nəqliyyat vasitəsi toqquşub.

Hadisə yerinə Dövlət Yol Polisinin əməkdaşları gəliblər.