Bakıda 38 yaşlı piyadanı vurub qaçdılar

Bakı şəhərinin Sabunçu rayonu ərazisində naməlum avtomobil piyadanı vurub. Rayon Polis İdarəsindən Avtosfer.az saytına verilən məlumata görə, mayın 27-nə keçən gecə Zabrat qəsəbəsində naməlum avtomobil 1976-cı il təvəllüdlü Musayev Füzuli Tofiq oğlunu vurub. 38 yaşlı kişi hadisə yerindəcə keçinib. Nəqliyyat vasitəsinin sürücüsü dərhal qəzanın baş verdiyi ərazidən uzaqlaşıb. Faktla bağlı əməliyyat-axtarış tədbirləri həyata keçirilir.