Bakıda ağır qəza: Ölən və yaralananlar var

Sabunçu rayonu ərazisində, Kürdəxanı-Pirşağı şosesində ölümlə nəticələnən yol-nəqliyyat hadisəsi baş verib. Bakı şəhər Baş Polis İdarəsindən Lent.az-a verilən məlumata görə, 1989-cu il təvəllüdlü Ramin Əsədov «Saipa» markalı avtomobilin idarə etməsini itirərək maneəyə vurub. Nəticədə sərnişin, 1988-ci il təvəllüdlü Samir Hüseynov hadisə yerində ölüb. R.Əsədov və digər sərnişin, 1995-ci il təvəllüdlü Murad Mustafayev isə xəstəxanaya yerləşdiriliblər. Faktla bağlı araşdırma başlanıb.