Bakıda azyaşlını maşın vurdu; ərazidə keçid problemi var - FOTO - VİDEO

Suraxanı rayonu Qaraçuxur qəsəbəsi ərazisində azyaşlı piyadanı avtomobil vurub.

Avtosfer.az xəbər verir ki, bu barədə məlumat BAKU.WS-in "qaynar xətti"nə daxil olub.

Bildirilib ki, hadisə qəsəbənin Zaur Şərifov küçəsi, 5 nömrəli binanın qarşısında qeydə alınıb.

Şikayətçinin sözlərinə görə, ərazidə piyada zolağının olmaması belə hadisələrin tez-tez yaşanmasına səbəb olur:

"Məhləyə çıxa bilmirik. Piyada keçidi yoxdur. Ötən il zolaq çəkilmişdi, o da silinib. Sürücülər maşınları çox sürətlə sürürlər. Dəfələrlə şikayət etmişik".

Hadisə yerindən görüntüləri təqdim edirik: