Bakıda "BakuBus" avtobusu minik avtomobili ilə toqquşub - VİDEO

Bakıda "BakuBus" avtobusu minik avtomobili ilə toqquşub.

Avtosfer.az xəbər verir ki, bu barədə Oxu.az-a "BakuBus"dan bildirilib.

Bildirilib ki, iyulun 12-də, saat 23 radələrində "BakuBus" MMC-nin balansında olan və 60 nömrəli müntəzəm marşrut xətti üzrə hərəkətdə olan, 77-JV-593 dövlət qeydiyyat nişanlı markalı avtobusla minik avtomobili arasında yol-nəqliyyat hadisəsi baş verib. Hadisə Zığ-Suraxanı şosesi istiqamətində qeydə alınıb.

"Qeyd edək ki, hadisə avtobusun marşrut xətti üzrə hərəkətini tamamlayaraq depoya qayıtdığı zaman baş verib. İlkin məlumata əsasən, minik avtomobilinin sürücüsü idarəetməni itirərək qəfil şəkildə avtobusun qarşısına çıxıb və nəticədə toqquşma baş verib. Hadisə ilə bağlı dərhal aidiyyəti qurumlara məlumat verilib. Hazırda araşdırma aparılır", - məlumatda deyilir.