Bakıda bank işçisi faciəvi şəkildə öldü –  FOTO

Dünən axşam Bakının Yasamal rayonunda Talıblı və Şərifzadə küçələrinin kəsişməsində Xəyal İbrahimovun idarə etdiyi "Daewoo" markalı avtomobil Ağaxan Muradovun idarə etdiyi "Az Samand" markalı avtomobillə toqquşub. Nəticədə hər iki sürücü ciddi xəsarət alaraq xəstəxanaya yerləşdirilib, ancaq həkimlərin səyinə baxmayaraq "Daewoo"nun sürücüsü dünyasını dəyişib. Avtosfer.az xəbər verir ki, bu barədə aznews.az -ın əldə etdiyi məlimata görə, "Daewoo"nun sürücüsü NİKOİL bankın əməkdaşı olub. O, bankın problemli kreditlər şöbəsində çalışıb. Araşdırmadan sonra məlum olub ki, bu şöbənin əməkdaşları gecə vaxtı problemli müştərilərə məxsus olan avtomobilləri qovaraq ələ keçirirlər. Bu hadisə də elə həmin məqsədlə aparılan əməliyyat vaxtı baş verib.

***

Bakının Yasamal rayonunda ölümlə nəticələnən yol nəqliyyat hadisəsi baş verib. Yasamal Rayon Polis İdarəsindən Avtosfer.az-a verilən məlumata görə, hadisə rayonun Talıblı və Şərifzadə küçələrinin kəsişməsində qeydə alınıb. Bakı şəhər sakini,1989-cu il təvəllüdlü Xəyal İbrahimov idarə etdiyi “Daewoo” markalı avtomobillə əks istiqamətdə hərəkətdə olan Ağaxan Muradovun sürdüyü “Azsamand” markalı nəqliyyat vasitəsi ilə toqquşub.

Hər iki sürücü xəstəxanaya çatdırılıb. Lakin tibbi yardım göstərilməsinə baxmayaraq Xəyal İbrahimovun həyatını xilas etmək mümkün olmayıb.